မြန်မာနိုင်ငံဆိုင်ရာပြင်သစ်သံရုံးတွင် တာဝန်ထမ်းဆောင်ခဲ့သော မြန်မာဝန်ထမ်းနှစ်ဦးအား ပြင်သစ်နိုင်ငံ၏ ဥရောပနှင့် နိုင်ငံခြားရေးဝန်ကြီးဌာနမှ ဂုဏ်ထူးဆောင်တံဆိပ်ချီးမြှင့်ပေးအပ်

ဤဂုဏ်ထူးဆောင်တံဆိပ် ချီးမြှင့်ပေးအပ်ခြင်း အခမ်းအနားကို ဒီဇင်ဘာလ (၁၂) ရက်နေ့တွင် ပြင်သစ်သံအမတ်နေအိမ်၌ ကျင်းပခဲ့ပြီး၊ ပြင်သစ်နိုင်ငံ၏ ဥရောပနှင့် နိုင်ငံခြားရေးဝန်ကြီးကိုယ်စား မြန်မာနိုင်ငံဆိုင်ရာပြင်သစ်သံအမတ်ကြီး Olivier Richard က သံအမတ်နေအိမ်၏ဝန်ထမ်း ဒေါ်နန်းဒေဝီ နှင့် သံရုံး၏ယာဉ်မောင်း ဦးတိုးမြင့်နိုင် တို့အား လုပ်သက် (၂၉)နှစ် နှင့် (၂၈)နှစ်အတွင်း သူတို့၏ တာဝန်ကျေပွန်မှု နှင့် သစ္စာစောင့်သိမှုတို့အတွက် နိုင်ငံခြားရေးဝန်ကြီးဌာန၏ ဂုဏ်ထူးဆောင်တံဆိပ် (ကြေးတံဆိပ်) ကိုပေးအပ်ခဲ့ပါသည်။ ဂုဏ်ထူးဆောင်တံဆိပ်ချီးမြှင့်ပေးအပ်ခြင်းအခမ်းအနားကို ဆုတံဆိပ်ရရှိသူတို့၏ မိသားစုဝင်များနှင့် သံရုံးဝန်ထမ်းများ၏ ရှေ့မှောက်တွင်ကျင်းပခဲ့ပါသည်။

ဤဂုဏ်ထူးဆောင်တံဆိပ်သည် ပြင်သစ်နိုင်ငံခြားရေးဝန်ကြီးဌာနတွင် အနည်းဆုံး အနှစ် (၂၀) ကြာ ထူးချွန်စွာ တာဝန်ထမ်းဆောင်ခဲ့သောဝန်ထမ်းများကိုသာချီးမြှင့်သော ဆုတံဆိပ်ဖြစ်သည်။

ရေးသားသည့်ရက်စွဲ 13/12/2017

အထက်ဆုံးစာမျက်နှာသို့