မြန်မာနိုင်ငံ ပြင်သစ်ကုန်သွယ်ရေး ဋ္ဌာန၏ ရေနှင့်သန့်ရှင်းမှုကဏ္ဍတွင် လုပ်ဆောင်ချက်များအကြာင်းကြေညာခြင်း [fr]

JPEG JPEG

ရေနှင့်သန့်ရှင်းမှုကဏ္ဍနှင့် သက်ဆိုင်သည့် ပြင်သစ်ကုမ္ပဏီ ၇ ခု ပါဝင်သော ကိုယ်စားလှယ် အဖွဲ့သည် မြန်မာနိုင်ငံသို့ ဒီဇင်ဘာလ ၃ ရက်နေ့ ၊ တနင်္လာနေ့တွင် ရောက်ရှိခဲ့သည်။

ထို့နေ့နံနက်၌ မြန်မာနိုင်ငံ ပြင်သစ်ကုန်သွယ်ရေး ဋ္ဌာနမှ တာဝန်ရှိသူများ ၊ ပြင်သစ်နိုင်ငံဖွင့်ဖြိုး တိုးတက်ရေး အဖွဲ့မှ တာဝန်ရှိသူများ ၊ ပြင်သစ်နိုင်ငံခြား ကုန်သွယ်ရေး ကော်မတီမှ အကြံပေးများ ၊ ပြင်သစ်နိုင်ငံ စီးပွားရေး ဋ္ဌာနမှ တာဝန်ရှိသူများမှ ၎င်း ပြင်သစ်ကိုယ်စားလှယ် အဖွဲ့အား မြန်မာနိုင်ငံ ပြင်သစ်သံရုံး၌ ကြိုဆိုခဲ့ကြသည်။
ထို့နောက် ၎င်း ကိုယ်စားလှယ် အဖွဲ့သည် ရန်ကုန်မြို့ရှိ အလားအလာရှိသော စီးပွားဖက်များနှင့် တွေ့ဆုံခဲ့ကြသည်။

အင်္ဂါနေ့ နံနက်၌ မန္တလေးမြို့ရှိ အညစ်အကြေး စီမံခန့်ခွဲမှုများ ပြုလုပ်လျက်ရှိသော နေရာများသို့ မန္တလေးမြို့တော် စည်ပင်သာယာရေး ကော်မတီမှ တာဝန်ရှိသူများနှင့်အတူ သွားရောက်လေ့လာခဲ့ကြသည်။
ယင်းနေ့ နေ့လည်ပိုင်း၌ မိလ္လာနှင့် ရေဆိုး စနစ်ဆိုင်ရာ ဆွေးနွေးပွဲ ကျင်းပရာ မန္တလေး မြို့၏ ဒုတိယမြို့တော်ဝန် ဦးရဲမွန်မှ အဖွင့် အမှာစကားပြောကြားပေးခဲ့သည်။

ထို့နောက် မြန်မာနိုင်ငံရှိ မြို့ကြီးများ ဖြစ်သော မန္တလေးမြို့ ၊ ရန်ကုန်မြို့ ၊ မော်လမြိုင်မြို့မှ ကိုယ်စားလှယ်များနှင့် ပြင်သစ်ကုမ္ပဏီများမှ ကျွမ်းကျင်သူများသည် မြန်မာနိုင်ငံ၏ မြို့ကြီးများ၏ ရေနှင့် သန့်ရှင်းမှု ကဏ္ဍ ရေရှည်တိုးတက်ဖွံ့ဖြိုးရေး၊ လက်ရှိ ရင်ဆိုင်နေရသော ငွေကြေးဆိုင်ရာ အခက်အခဲများ ၊ စိန်ခေါ်မှုများကို ဖြေရှင်းနိုင်မည့် နည်းလမ်းများ အစရှိသည်တို့ကို ဆွေးနွေးတိုင်ပင် ဖလှယ်ခဲ့ကြသည်။
ဆက်လက်၍ ညနေပိုင်း၌ Networking cocktail ကျင်းပခဲ့ရာ မြန်မာနိုင်ငံဆိုင်ရာ ပြင်သစ်သံအမတ်ကြီးနှင့် မန္တလေး ဒုတိယ မြို့တော်ဝန်တို့ ပူးတွဲဖွင့်လှစ်ပေးခဲ့ပြီးနောက် ၎င်း ဆွေးနွေးပွဲကို ရုတ်သိမ်းခဲ့သည်။

ရေးသားသည့်ရက်စွဲ 05/12/2018

အထက်ဆုံးစာမျက်နှာသို့