မြို့ပြစီမံကိန်း - မြန်မာနိုင်ငံ၏မြို့များ ရေရှည်ဖွံ့ဖြိုး တိုးတတ်နိုင်ရေး ရှေးရှုပြုလုပ်ခဲ့သော "Smart & Sustainable Cities Forum"

မြို့ပြစီမံကိန်း - မြန်မာနိုင်ငံ၏မြို့များ ရေရှည်ဖွံ့ဖြိုး တိုးတတ်နိုင်ရေး ရှေးရှုပြုလုပ်ခဲ့သော "Smart & Sustainable Cities Forum"

မြို့ပြဖွံ့ဖြိုးတိုးတက်ရေးနှင့်ပတ်သက်သော ပြင်သစ် - မြန်မာ "Smart & Sustainable Cities Forum" နှစ်ခုကို ရန်ကုန်မြို့တွင် ဖေဖော်ဝါရီ (၂၇) ရက်နှင့် မန္တလေးမြို့တွင် မတ်လ (၁) ရက်နေ့တို့တွင် နှစ်နိုင်ငံအကြား ဖလှယ်နိုင်ရန် ကျင်းပခဲ့ပါသည်။
၎င်းဖိုရမ်နှစ်ခုကို ပြင်သစ် Trade Commission (Business France) မှစီစဉ် ကျင်းပခြင်းဖြစ်ပြီး မြို့ပြအခြေခံ အဆောက်အအုံ တည်ဆောက်ရေးကျွမ်းကျင်သော ပြင်သစ်ကုမ္ပဏီများနှင့် မြန်မာလုပ်ငန်းရှင်များ ၊ အစိုးရဝန်ကြီးဌာနများမှ သက်ဆိုင်ရာတာဝန်ရှိသူများ တွေဆုံနှီးနှောဖလှယ်ပြီး မြို့ပြဖွံ့ဖြိုးတိုးတက်ရေးကဏ္ဍတွင် ပူပေါင်းဆောင်ရွက်ရေး၊ စီးပွားကူးသန်းဆက်သွယ်ရေးတိုးမြှင့်ရန် အခွင့်အလမ်းပင်ဖြစ်သည်။ ၄င်းဖိုရမ်နှစ်ခုတွင် မြန်မာလုပ်ငန်းရှင်များ ၊ အစိုးရဝန်ကြီးဌာနများမှ သက်ဆိုင်ရာတာဝန်ရှိသူများ (၂၅၀) ကျော်တက်ရောက်ခဲ့ကြပြီး ပြင်သစ်ဖက်မှလည်း ကုမ္ပဏီ (၂၅) ခုတို့ တက်ရောက်ခဲ့ပါသည်။
မြန်မာနိုင်ငံတွင် စီးပွားရေးတိုးတက်မှုနှင့်အတူ မြို့ပြဖွံဖြိုးတိုးတက်မှုမှာ မြန်မာနိုင်ငံအတွက် အနီးဆုံးသော အနာဂတ်ကာလတွင် ခန့်ခွဲစီမံရမည်ဖြစ်သော စိန်ခေါ်မှုတစ်ခုဖြစ်သည်။ ပြည့်စုံသော မြို့ပြအခြေခံအဆောက်အအုံ မရှိခြင်းသည် နိုင်ငံဖွံဖြိုးတိုးတက်ရေးကို တားစည်းလျက်ရှိသည်။ ဤ ဖိုရမ်တို့သည် မြို့ပြအခြေခံအဆောက်အအုံ (ရေနှင့်ရေသန့် ၊ စွမ်းအင် ၊ စွန့်ပစ်ပစ္စည်း ခန့်ခွဲမှု ၊ ဆက်သွယ်ရေး) ၊ ပို့ဆောင်ဆက်သွယ်ရေး ၊ အဆောက်အအုံတည်ဆောက်ရေး နှင့်မြို့ပြစီမံခန့်ခွဲရေးကဏ္ဍများတွင် ပြင်သစ်ကျွမ်းကျင်မှုအတတ်ပညာဖြင့် ဆက်လက် ပူးပေါင်းပါဝင်ဆောင်ရွက်မည်ဖြစ်ကြောင်း ပြင်သစ်နိုင်ငံဘက်မှပြသလိုက်ခြင်းဖြစ်သည်။
မြန်မာနိုင်ငံတွင် နှစ် (၅၀) ကြာပြီး ပထမဆုံးအကြိမ် ပြုလုပ်သော လွတ်လပ်သောရွေးကောက်ပွဲတွင် ဒေါ်အောင်ဆန်းစုကြည် အနိုင်ရပြီးနောက် ပြင်သစ်နိုင်ငံအတွက် ထူးခြားသော အခြေအနေတစ်ခု ဖြစ်ပေါ်လာခဲ့ပါသည်။ သူမသည် ရန်ကုန်မြို့ကို ဖွံဖြိုးတိုးတက်ရေးကဏ္ဍတွင် ရှေ့ဆောင်လမ်းပြဖြစ်စေလိုပြီး နိုင်ငံတကာတွင် လည်းမျက်နှာလှသောမြို့ဖြစ်စေလိုပါသည်။ ထို့ကြောင့် ဒေါ်အောင်ဆန်းစုကြည်သည် ပြင်သစ်နိုင်ငံကို မြို့ပြဖွံ့ဖြိုးတိုးတက်ရေးကဏ္ဍတွင်၊ အထူးသဖြင့် ရန်ကုန်မြို့ရှိသမိုင်းဝင်အဆောက်အအုံများ ပြုပြင်ထိန်းသိမ်းခြင်းနှင့် မြစ်ကမ်းများပြုပြင်ထိန်းသိမ်းခြင်းတို့တွင် ပါဝင်ကူညီရန် အထူးတောင်းဆိုခဲ့ပါသည်။ ထိုတောင်းဆိုချက်အပေါ် ပြင်သစ်နိုင်ငံကလည်း ပြင်သစ် ဖွံ့ဖြိုးတိုးတက်ရေးအဖွဲ့မှချေးငွေ ယူရိုငွေ သန်း (၂၀၀) ဖြင့်မြို့ပြဖွံ့ဖြိုးတိုးတက်ရေးကဏ္ဍအတွက်ပံ့ပိုးသွားမည်ဖြစ်ကြောင်း လွန်ခဲ့သည့်ဇွန်လက ပြင်သစ် နိုင်ငံခြားရေးနှင့် အပြည်ပြည်ဆိုင်ရာဖွံဖြိုးတိုးတက်ရေးဝန်ကြီး၏ မြန်မာနိုင်ငံခရီးစဉ်အပြီးတွင်ပြန်ကြားခဲ့ပါသည်။ ပြင်သစ်နည်းပညာကျွမ်းကျင်သူများသည်လည်း မြန်မာအစိုးရမှ မြို့ပြ ပြုပြင်ပြောင်းလဲရေးတွင် တာဝန်ရှိသူများကို အကြံဥာဏ်ပေးနိုင်ရန် အသင့်ရှိနေမည်ဖြစ်ပါသည်။

ဆွေနွေးခြင်းနှင့် လက်တွေ့ဆောင်ရွက်မှု
မြန်မာနိုင်ငံဆိုင်ရာ ပြင်သစ်သံအမတ်ကြီးနှင့် ရန်ကုန်၊ မန္တလေးမြို့တော်ဝန်များတို့မှ ဖိုရမ်အသီးသီးကိုဖွင့်လှစ်ပေးပြီး ၄င်းဖိုရမ်တို့၏အစီအစဉ်ကို အပိုင်းနှစ်ပိုင်းခွဲပြီးကျင်းပခဲ့သည်။ နံနက်ပိုင်းတွင် ပြင်သစ်ကိုယ်စားလှယ်များမှ ၄င်းတို့၏ကျွမ်းကျင်မှု့နည်းလမ်းများကို အသီးသီးမိတ်ဆက်ခဲ့ကြပါသည်။ နေ့လည်ပိုင်းတွင် မြို့ပြနှင့်သယ်ယူပို့ဆောင်ရေး ၊ စွမ်းအင် ၊ မြို့ပြစီမံကိန်းနှင့် အများပိုင်အခြေခံအဆောက်အဦးများ စသော ခေါင်းစဉ်များဖြင့် အလုပ်ရုံဆွေးနွေးပွဲများကိုဆွေးနွေးခဲ့ကြပါသည်။ နှစ်မြို့စလုံးတွင် ဖိုရမ်အစီအစဉ်ကို အစိုးရဌာနဆိုင်ရာကိုယ်စားလှယ်များ ၊ ပြင်သစ်နှင့်မြန်မာကုမ္ပဏီများ ၊ သီးသန့်တွေ့ဆုံပြီး B2B Meetingတွင် ၄င်းတို့၏ အလားအလာရှိသော project များကို ဆွေးနွေးကြခြင်းဖြင့်အဆုံးသတ်ခဲ့ကြပါသည်။

"Smart & Sustainable Cities Forum" ဖိုရမ်နှစ်ခုကိုဦးဆောင်ခဲ့သူများနှင့် ပြင်သစ်နိုင်ငံကို ကိုယ်စားပြုပါဝင်ခဲ့ကြသူများ
ပြင်သစ်သဘာဝပတ်ဝန်းကျင် ထိန်းသိမ်းရေး ဝန်ကြီးဌာန (MEEM) ၊ ပြင်သစ်သဘာဝ ပတ်ဝန်းကျင်နှင့် စွမ်းအင်စီမံခန့်ခွဲရေး အေဂျင်စီ (ADEME) နှင့် ပြင်သစ် အများပိုင်ရင်းနှီးမြုပ် နှံမှု့ဘဏ် (BPI) တို့မှ တာဝန်ရှိသူများ၊ "Vivapolis" (ခေါ်) "ပြင်သစ်အစိုးရအထောက်အကူဖြင့်ဖွဲ့စည်းထားသော Sustainable Cities (ရေရှည်ဖွံ့ဖြိုး တိုးတတ်သောမြို့ပြ) တည်ဆောက်ရေးကျွမ်းကျင်သူများ ကွန်ယက်" မှ ပြင်သစ်ကုမ္ပဏီ ၂၅ ခုတို့လည်း ပါဝင်တက်ရောက်ခဲ့ကြသည်။ ပါဝင်ခဲ့ကြသော ပြင်သစ်ကုမ္ပဏီများမှာ: ARCHETYPE, AREP VILLE, ATERLIA, BERIM, CNR, DE-SO SAS, EUROTRADIA INTERNATIONAL, EDF, EFICA, EIFAGE, L’ATELIER ARCHITECTS, HYDROMOBIL, MARTIN DUPLANTIER ARCHITECTES, MPH CONSULTING SERVICES SINGAPORE PTE. LTD, OREADA BRECHE, OUTINORD, PARKEON, PHOSPHORIS, POMA, RATP INTERNATIONAL, RAZEL MYANMAR, SAINT GOBAIN PAM, SYSTRA, SAFAGE, SCHNEIDER.

Présentation d'Olivier Robinet, Directeur des Affaires Internationales au ministère de l'Environnement
Monsieur Olivier Richard, Ambassadeur de France, serre la main au maire de Rangoun, Maung Maung Soe

ရေးသားသည့်ရက်စွဲ 21/03/2017

အထက်ဆုံးစာမျက်နှာသို့