မြန်မာနိုင်ငံဆိုင်ရာ ပြင်သစ်နိုင်ငံသံအမတ်ကြီး Mr. Christian Lechervy ရန်ကုန်မြို့ရှိ့ ပြည်သူ့ကျန်းမာရေးဓာတ်ခွဲမှုဆိုင်ရာဌာနသို့ လာရောက်လည်ပတ်

မြန်မာနိုင်ငံဆိုင်ရာ ပြင်သစ်နိုင်ငံသံအမတ်ကြီး Mr. Christian Lechervy ၊ ပြင်သစ်သံရုံး နှင့် ပြင်သစ်ဖွံ့ဖြိုးရေးအေဂျင်စီ (AFD) တို့မှ ကိုယ်စားလှယ်များ နှင့် Merieux Foundation တို့ ရန်ကုန်မြို့ရှိ့ ပြည်သူ့ကျန်းမာရေးဓာတ်ခွဲမှုဆိုင်ရာဌာနသို့ ယနေ့ ၂၃ရက်၊ ဧပြီလ၊ ၂၀၁၉ ရက်နေ့တွင် အလည်အပတ်ရောက်ရှိခဲ့ပါသည်။ ကျန်းမာရေးနှင့်အားကစားဝန်ကြီးဌာန (MoHS)၏ ကုသရေးဦးစီးဌာနမှ ဓါတ်ခွဲခန်းများ၏ ဒုတိယညွှန်ကြားရေးမှုးချုပ် ပရော်ဖက်ဆာ ဒေါ်ဌေးဌေးတင်၊ NHL၏ညွှန်ကြားရေးမှုး ဒေါက်တာဝင်းသိန်း နှင့် NHLအဖွဲ့တို့က လာရောက်လည်ပတ်သောကိုယ်စားလှယ်အဖွဲ့ကို နွေးထွေးစွာကြိုဆိုခဲ့ကြပါသည်။ NHL၏ အဓိကဆောင်ရွက်ချက်များကို ကိုယ်စားလှယ်အဖွဲ့အား တင်ပြခဲ့ပြီး ကိုယ်စားလှယ်အဖွဲ့သည် ဓာတ်ခွဲခန်းအဆောက်အဦးများကို ဆက်လက်၍လေ့လာကြည့်ရှုခဲ့သည်။ ၄င်းအဆောက်အဦးများသည် AFD နှင့် EU တို့၏ ငွေကြေးထောက်ပံ့သော ပြန်လည်မွန်းမံအဆင့်မြှင့်တင်မည့်စီမံကိန်းတွင်ပါဝင်သည်။ ယူရို၂၇သန်းတန်ကြေးရှိသော ၄င်းစီမံကိန်းသည်
(၁) တည်ရှိနေဆဲသမိုင်းဝင်အဆောက်အဦးကိုမွန်းမံပြင်ဆင်ခြင်း၊
(၂) အဆင့်မြင့်သောလုံခြုံစိတ်ချရသည့်ဓါတ်ခွဲခန်း (BSL3) နှင့်
(3)ကျယ်ပြန့်သောစွမ်းရည်မြှင့်တင်ရေးနှင့်အသိပညာပေးရေးအစီအစဉ် တို့ကိုထောက်ပံ့ပေးခြင်းဖြင့်
မြန်မာနိုင်ငံတွင် နိုင်ငံ့စံပြဓါတ်ခွဲခန်းတစ်ခုအဖြစ် ၄င်း၏ဆောင်ရွက်မှုများကို အောင်မြင်စွာ ဆောင်ရွက်နိုင်မည့် နည်းလမ်းများနှင့်စွမ်းရည်များ ရရှိနိုင်ရန် ရည်ရွယ်သည်။ Merieux Foundation နှင့် Pasteur Institute တို့မှလည်း စီမံကိန်းကို ပံ့ပိုးကူညီသည်။ Pasteur Institute က ကျယ်ပြန့်သော စွမ်းရည်မြှင့်တင်ရေး နှင့် အသိပညာပေးရေး အစီအစဉ် တစ်ခုလုံးကို အကောင်အထည်ဖော် ဆောင်ရွက်မည်ဖြစ်သည်။ NHL အဆင့်မြှင့်တင်ခြင်း၊ လုပ်ငန်းစွမ်းရည်များတိုးတက်စေခြင်း နှင့် ဓါတ်ခွဲခန်းကွန်ယက်တိုးချဲ့စေခြင်းတို့သည် မည်သည့်ရောဂါကိုမဆိုရှာဖွေနိုင်စေရန် နှင့် ပြည်သူ့ကျန်းမာရေးလုံခြုံမှုဆိုင်ရာအန္တရာယ်ကိုထိန်းချုပ်နိုင်စေရန် တို့ အထောက်အကူပြုပါမည်။

ရေးသားသည့်ရက်စွဲ 24/04/2019

အထက်ဆုံးစာမျက်နှာသို့