ပြန်ပြည့်မြဲစွမ်းအင် renewable energy ကဏ္ဍတွင် အထူးပြုလုပ်ကိုင်နေသော ပြင်သစ်ကိုယ်စားလှယ်အဖွဲ့၏ခရီးစဉ်

ပြန်ပြည့်မြဲစွမ်းအင် renewable energy ကဏ္ဍတွင် အထူးပြုလုပ်ကိုင်နေသော ပြင်သစ်ကုမ္ပဏီ (၆)ခု၏ ကိုယ်စားလှယ်အဖွဲ့သည် ရန်ကုန်မြို့အခြေစိုက် ပြင်သစ် Trade Commission (Business France)မှ စီစဉ်ဆောင်ရွက်သော ပူးတွဲအစီအစဉ်တစ်ခုတွင်ပါဝင်ခဲ့ပါသည်။

ပြန်ပြည့်မြဲစွမ်းအင် renewable energy ကဏ္ဍတွင် အထူးပြုလုပ်ကိုင်နေသော ပြင်သစ်ကုမ္ပဏီ (၆)ခု၏ ကိုယ်စားလှယ်အဖွဲ့သည် ရန်ကုန်မြို့အခြေစိုက် ပြင်သစ်ကုန်သွယ်ရေးဌာန (Business France)မှ စီစဉ်ဆောင်ရွက်သော ပူးတွဲအစီအစဉ်တစ်ခုတွင်ပါဝင်ရန် ၂၀၁၇ ခုနှစ်၊ ဇွန်လ (၂၁)မှ (၂၂)ရက်နေ့ထိ မြန်မာနိုင်ငံသို့ လာရောက်ခဲ့ပါသည်။

ပထမနေ့တွင် ပြင်သစ်နှင့်မြန်မာကုမ္ပဏီများစီးပွားရေးလုပ်ငန်းရှင်များအချင်းချင်း သီးသန့်တွေ့ဆုံနိုင်သော B2B Meeting အခု (၅၀)ခန့် ကိုပြုလုပ်ပေးနိုင်ခဲ့သည်။ ထိုကုမ္ပဏီများသည် ပြန်ပြည့်မြဲစွမ်းအင်ကဏ္ဍတွင် ပါဝင် လုပ်ကိုင်နေသော အသင်းအဖွဲ့များနှင့်လည်းတွေ့ဆုံခွင့်ရခဲ့ပါသည်။

ဒုတိယနေ့တွင် ထိုကိုယ်စားလှယ်အဖွဲ့သည် နေပြည်တော်သို့ သွားရောက်ပြီး လျှပ်စစ်နှင့်စွမ်းအင်ဝန်ကြီးဌာနပြည်ထောင်စုဝန်ကြီး ဦးဖေဇင်ထွန်းနှင့် (၄၅)မိနစ်ကြာတွေ့ဆုံခဲ့ပါသည်။ ထိုသို့တွေ့ဆုံရာတွင် နိုင်ငံတွင် ပြန်ပြည့်မြဲစွမ်းအင် renewable energy ကဏ္ဍ၏ အလားအလာ၊ တစ်ကီလိုဝပ် kW/h အတွက်ကျသင့်မည့်ဈေးနှုန်းအခက်အခဲ၊ မူလကွန်ယက်ထဲသို့ လျှပ်စစ်ဓါတ်အား ပိုမိုဖြည့်စွက်ခြင်း၊ ထောက်ပံ့ကူညီမှုများရယူနိုင်ခြင်းအလားအလာ စသည်တို့ကိုဆွေးနွေးခဲ့ပါသည်။ နေ့လည်ပိုင်းတွင် ကိုယ်စားလှယ်အဖွဲ့ဝင်များနှင့် လျှပ်စစ်နှင့်စွမ်းအင်ဝန်ကြီးဌာနမှတာဝန်ရှိသူများသည် ပြန်ပြည့်မြဲစွမ်းအင် renewable energy အကြောင်းအလုပ်ရုံဆွေးနွေးပွဲကို တက်ရောက်ပါဝင်ခဲ့ပါသည်။

ရေးသားသည့်ရက်စွဲ 29/06/2017

အထက်ဆုံးစာမျက်နှာသို့