အပြည်ပြည်ဆိုင်ရာ မြေမြှုပ်မိုင်းသတိပြုရေးနေ့ အခါသမယ၌ အီးယူ ဒေသန္တရ ကြေညာချက်

အပြည်ပြည်ဆိုင်ရာ မြေမြှုပ်မိုင်းသတိပြုရေးနေ့ အခါသမယ၌ အီးယူ ဒေသန္တရ ကြေညာချက်

ရန်ကုန်၊ ၂၀၁၈ခုနှစ် ဧပြီလ ၄ ရက်

ယနေ့ကျရောက်သည့် အပြည်ပြည်ဆိုင်ရာမြေမြှုပ်မိုင်းသတိပြုရေးနေ့ အခါသမယ၌ မြန်မာနိုင်ငံအတွင်းမြေ မြှုပ်မိုင်း မရှင်းလင်းသောနယ်မြေများ၌ နေထိုင်နေကြရသည့် အရပ်သားများစွာတို့အား ပိုမိုကာကွယ်စောင့် ရှောက်ပေးနိုင်ရန်အတွက် မြေမြှုပ်မိုင်းအသုံးပြုမှုကို အရေးယူဆောင်ရွက်မှုပြုပေးပါရန် ဥရောသမဂ္ဂနှင့် ၎င်း၏ အဖွဲ့ဝင်နိုင်ငံများမှ သံအမတ်များအနေဖြင့် မြန်မာအစိုးရအပေါ်တိုက်တွန်းလိုက်ရပါသည်။

မြေမြှုပ် မိုင်းများမှာ ပဋိပက္ခပြီးဆုံး၍ ကာလကြာမြင့်သွားသည့်တိုင်အောင် ကမ္ဘာတစ်ဝှမ်း ပဋိပက္ခဒဏ်ခံခဲ့ရ သည့် နယ်ပယ်များစွာတို့မှ လူများအပေါ် အန္တရာယ်ကျရောက်ကာ လူသေဆုံးမှုများဖြစ်ပေါ်စေလျက်ရှိပါ သည်။ များသောအားဖြင့် မြေမြှုပ်မိုင်းများမှာ ရွေးစရာလမ်းမရှိဘဲ မိုင်းမရှင်းလင်းသည့် နယ်မြေသို့ဝင် ရောက်၍ အသက်မွေးဝမ်းကျောင်းလုပ်ငန်းလုပ်ကိုင်ကာ မိသားစုကိုရှာဖွေကျွေးမွေးနေရ သည့်ကျေးလက် ဒေသများမှ တောင်သူများ၊ ပဋိပက္ခဖြစ်ပွားနေမှုမှ လွတ်မြောက်ဖို့ထွက်ပြေးနေရသည့် အရပ်သားများနှင့် ကလေးသူငယ်များစသည့် ခုခံကာကွယ်နိုင်စွမ်းအနည်းပါးဆုံးသောသူများမှာ အဓိကအခံရဆုံးဖြစ်ပါသည်။ မြေမြှုပ်မိုင်းနှင့် စစ်ပွဲလက်ကျန်ပေါက်ကွဲစေတတ်သည့်ပစ္စည်းများမှာ အရပ်သားများ၏လုံခြုံရေး၊ ကျန်းမာ ရေးနှင့်အသက်အိုးအိမ်များကို ပြင်းထန်သောအန္တရာယ်ဖြစ်စေနိုင်သည်သာမက မိုင်းဒဏ်ခံဒေသများရှိ လူမှု- စီးပွားဖွံ့ဖြိုးတိုးတက်မှုအတွက် သိသိသာသာဟန့်တားနှောင့်ယှက်ကာ ဆင်းရဲမှုအဆင့်မြင့်မားရခြင်း ၏အကြောင်းရင်းခံတစ်ခုလည်းဖြစ်ပါသည်။

မြန်မာနိုင်ငံရှိ ပြည်နယ်နှင့်တိုင်းဒေသကြီး ၁၄ ခုမှ ၉ ခုမှာ မြေမြှုပ်မိုင်းနှင့်စစ်ပွဲလက်ကျန်ပေါက်ကွဲစေတတ် သည့်ပစ္စည်းများ ကျန်ရှိနေသေးသည်ဟု ယူဆထားပါသည်။ ကချင်၊ ရှမ်းနှင့်ရခိုင်ပြည်နယ်များအတွင်း ပဋိ ပက္ခဒဏ်ခံဒေသများ၌ မြေမြှုပ်မိုင်းများကို ၂၀၁၇ခုနှစ်တွင် ထပ်မံသုံးစွဲခဲ့သည်ဟူသော သတင်းများမှာ အလွန်အမင်းစိုးရိမ်ဖွယ်ရာ ဖြစ်စေပါသည်။ ၂၀၁၆ နှင့် ၂၀၁၇ခုနှစ်များအတွင်း သတင်းများအရလူထိခိုက် သေဆုံးမှုအရေအတွက်မှာ သိသိသာသာမြင့်တက်ခဲ့ပါသည်။

ထို့ကြောင့်မြန်မာနိုင်ငံအစိုးရအနေဖြင့် မြေမြှုပ်မိုင်းအသုံးပြုမှုကို အဆောတလျင်အရေးယူဆောင်ရွက်မှုပြုပါ ရန်နှင့် မြေမြှုပ်မိုင်းအသုံးပြုမှုတားမြစ်သည့် အော်တဝါကွန်ဗင်းရှင်း၌ ပါဝင်ပါရန်မြန်မာနိုင်ငံအား ကျွန်ပ်တို့အ နေဖြင့် ပြင်းပြစွာအားပေးတိုက်တွန်းလိုက်ရပါသည်။ အရပ်ဖက်ပြည်သူလူထုအပေါ်ပိုမိုကာကွယ်စောင့် ရှောက်ပေးနိုင်ရန်ရည်ရွယ်၍ မြန်မာအစိုးရနှင့်တိုင်းရင်းသားခေါင်းဆောင်များအနေဖြင့် ဖြစ်နိုင်ခြေရှိသည့် အ ခါတိုင်း မိုင်းရှင်းလင်းရေးလုပ်ငန်းများကို ပံ့ပိုးဆောင်ရွက်ပေးကြပါရန် ကျွန်ပ်တို့အနေဖြင့်တိုက်တွန်းလိုက်ပါ သည်။ နိုင်ငံတစ်ဝှမ်း မိုင်းအန္တရာယ်အသိပညာပေးရေး တိုးမြှင့်ဆောင်ရွက်ရာတွင် ဥရောပသမဂ္ဂမှပြည့် ဝစွာပံ့ပိုးပေးလျက်ရှိပြီး မိုင်းရှင်းလင်းရေးလုပ်ငန်းများကိုလည်း ကူညီထောက်ပံ့မှုပြုရန် အသင့်ရှိပါသည်။

Web link: https://eeas.europa.eu/delegations/myanmar-burma/42372/node/42372_my
Speech EU Ambassador Kristian Schmidt, 4 April 2018, Nay Pyi Taw:
https://bit.ly/2H6mr1D

PNG

ရေးသားသည့်ရက်စွဲ 04/04/2018

အထက်ဆုံးစာမျက်နှာသို့