ပုဂ္ဂလိက မီဒီယာကုမ္ပဏီ Forever Group ၏ ဥက္ကဌ ဦးဝင်းမော်ကို ပြင်သစ်သမ္မတနိုင်ငံတော်၏ ဂုဏ်ထူးဆောင်ဆုတံဆိပ်ဖြစ်သော Chevalier de l’Ordre National du Mérite ပေးအပ်ခြင်း

မြန်မာနိုင်ငံဆိုင်ရာ ပြင်သစ်သံအမတ်ကြီး Olivier RICHARD သည် ၂၀၁၇ ခုနှစ် ဇန်နဝါရီလ (၂၄) ရက်အဂါင်္နေ့ ရန်ကုန်မြိုတွင် ပြင်သစ်သမ္မတနိုင်ငံတော်၏ ဂုဏ်ထူးဆောင်ဆုတံဆိပ်ဖြစ်သော Chevalier de l’Ordre National du Mérite ကို ပုဂ္ဂလိက မီဒီယာကုမ္ပဏီ Forever Group ၏ ဥက္ကဌ ဦးဝင်းမော်ကို ပေးအပ်ခဲ့ပါသည်။

ဤဂုဏ်ထူးဆောင်ဆုတံဆိပ်သည် ပြင်သစ်နိုင်ငံနှင့် မြန်မာနိုင်ငံကြား မီဒီယာနှင့် ရုပ်ရှင် ကဏ္ဍများတွင် ပူးပေါင်းဆောင်ရွက်ရေးအတွက် ၂၀၁၂ခုနှစ်မှစ၍ စွမ်းစွမ်းတမံဆောင်ရွက်ခဲ့သော ဦးဝင်းမော်ကို ဂုဏ်ပြုခြင်းဖြစ်သည်။ ၎င်း၏ အလွန်ထူးခြားသော လုပ်ငန်းအောင်မြင်မှုနှင့် အမျှော်အမြင်ရှိမှုကို ဂုဏ်ပြုခြင်းလဲဖြစ်သည်။

Forever Group ၏ ဥက္ကဌ ဦးဝင်းမော်သည် CFI Canal France International ကိုမြန်မာနိုင်ငံတွင် အခြေချနိုင်ရန်ပြုလုပ်ပေးခဲ့သူလဲဖြစ်သည်။ ၂၀၁၂ တွင်မြန်မာနိုင်ငံ၌ ပြုလုပ်သော အရှေ့တောင်အာရှ အားကစားပြိုင်ပွဲကို ၎င်း၏တယ်လီဗီးရှင်းလိုင်းများတွင်လွှင့်နိုင်ရန် သင်တန်းပေးပါရန် CFI ကိုတောင်းဆိုခဲ့ခြင်းဖြစ်သည်။ ထို့အပြင် ပြင်သစ်ကုမ္ပဏ်ီများဖြစ်သော Canal plus, AMP VISIUL TV နှင့်Digital District စသော ကုမ္ပဏီများနှင့် ဆွေးနွေးလျက် အခပေးတယ်လီဗီးရှင်းလိုင်းများတိုးချဲ့ရန် အထူးသဖြင့် တယ်လီဖုန်းများပေါ်တွင် တိုးချဲ့ရန်ပြုလုပ်လျက်ရှိသည်။ မြန်မာ့ရုပ်ရှင်ကဏ္ဍကိုပြန်လည်ဆန်းသစ်လာစေရန်လည်း ပြင်သစ်ထုတ်ဝေသူ၊ ကျွမ်းကျင်သူများနှင့် ပူးပေါင်းပြီး မြန်မာနိုင်ငံတွင်းတွင် ရုပ်ရှင်ထုတ်လုပ်နိုင်ရန်ကျိုးပမ်းလျက်ရှိသည်။ Michel Hazanavicius ၏ ၂၀၁၇ တွင်ထွက်မည့် ရုပ်ရှင်အသစ်ဖြစ်သော “Le Redoutable” ဖြစ်မြောက်ရေးတွင် ဦးဝင်းမော် နှင့် ၎င်း၏အဖွဲ့တို့ပါဝင်ခဲ့ကြသည်။ ထိုကဲ့သို့ ပြင်သစ်ရုပ်ရှင်၏ မြန်မာနိုင်ငံ ရုပ်ရှင်ကဏ္ဍ၌ သမိုင်းဝင်ပူးပေါင်းဆောင်ရွက်မှုတွင် Forever Groupသည် ပြင်သစ်ရုပ်ရှင်၏ ပထမဆုံး ထုတ်ဝေသူအဖြစ် နှစ်နိုင်ငံပူးပေါင်းဆောင်ရွက်မှုနှင့် လှပသော အနာဂတ်ကိုဖွင့်လစ်လိုက်ခြင်းဖြစ်သည်။

Canal France International အပါအဝင် ဥရောပအကျိုးတူကုမ္ပဏီများနှင့် Forever Group တို့ပူးပေါင်း၍ ပထမဆုံးသော လွပ်လပ်သော သတင်းထောက်သင်တန်းကျောင်းကိုလဲ ဦးဝင်းမော်၏ အကျိုးဆောင်ပေးမှုဖြင့် မြန်မာနိုင်ငံတွင်ဖွင့်လှစ်နိုင်ခဲ့သည်။ ပြင်သစ်နှင့်မြန်မာ မီဒီယာနှင့်ရုပ်ရှင် စီမံခန့်ခွဲရေး ဆိုင်ရာသဘောတူညီချက်ကို ၂၀၁၃ ခုနှစ်တွင်ရေးထိုးနိုင်ခဲ့ပြီး နှစ်နိုင်ငံပူးပေါင်းဆောင်ရွက်မှုများဖြစ်သော Memory ရုပ်ရှင်ပွဲတော်၊ ပြင်သစ်ရုပ်ရှင်ကိုမြန်မာပရိသတ်ကို မိတ်ဆက်ပေးခြင်းတို့ကို ပြုလုပ်နိုင်ခြင်းမှာ ဦးဝင်းမော်၏ အကျိုးဆောင်ပေးမှုသည် အဓိက ကဏ္ဍမှပါဝင်ခဲ့သည်။
မြန်မာနိုင်ငံ၏ မီဒီယာနှင့် ရုပ်ရှင်ကဏ္ဍပြောင်းလဲမှု ဖြစ်စဉ်တွင် အဓိက နေရာမှပါဝင်ခဲ့သည့်အတွက် ဦးဝင်းမော်သည် မြန်မာနိုင်ငံ၌ ပြင်သစ်ယဉ်ကျေးမှု နှင့် ပြင်သစ်စီးပွားရေး ဖွံဖြိုးမှုတို့တွင် အဓိက မိတ်ဆွေအဖြစ် အမြဲရပ်တည်သွားမည်မှာ မုတ်ချမလွဲပင်ဖြစ်သည်။

ရေးသားသည့်ရက်စွဲ 25/01/2017

အထက်ဆုံးစာမျက်နှာသို့